DEL

Scana Propulsion har inngått ordre med Havyard Ship Technology om levering av gir og propellanlegg med kontrollsystem til ny brønnbåt.


( 12.02.2016 )

Brønnbåten er bestilt av Norsk Fisketransport AS, og skal byggast ved Havyard Leirvik. Dette er tredje brønnbåt med Havyard 587 design som vert utstyrt med Scana framdriftssystem.

Framdriftsanlegget frå Scana Propulsion skal leverast i november 2016, og skipet er planlagt levert frå verftet i april 2017. Kontrakta inkluderer opsjon på ytterlegare ein leveranse.

Ordre nummer 2

Det er også inngått kontrakt mellom Scana Propulsion og Aas Mekaniske Verkstad om levering av gir og propellanlegg med kontrollsystem til ein brønnbåt av AAS 3602 ST design til Nova Sea AS. Framdriftsanlegget frå Scana Propulsion skal leverast i november 2016, og skipet er planlagt levert frå Aas Mekaniske i juni 2017. Sidan 2014 er dette femte brønnbåt frå Aas Mekaniske som er utstyrt med Scana Propulsion gir og propellanlegg.

 Gir og propellanlegg med kontrollsystem til Nova Sea AS blir levert av Scana Propulsion og Aas mek Verksted

Figur 2 Illustrasjon av AA 3602 ST design, Brønnbåt til Nova Sea AS

-Scana Propulsion har lange tradisjonar for levering til fiskefartøy og spesialskip, og det er svært gledeleg at betydelege aktørar som Havyard, Aas Mekaniske, Nova Sea og Norsk Fisketransport vel Scana framdriftsanlegg. Vi set stor pris på samarbeidet, og vi er glade og takksame for å kunne ta del i denne investeringsbølgja brønnbåtrederia no foretek, og som kjem norsk verfts‐ og utstyrsindustri til gode, seier Hallvard Pettersen, dagleg leiar i Scana Volda. Han legg til at i den stramme marknaden for skipsbygging generelt, er dette ei stadfesting på Scana Propulsion si kompetanse og konkurranseevne.

 

 

INGEN KOMMENTARER

Comments are closed.